Kadimiy zamanlarda Kırım toprağına baskıncı koçebeler sokulğanlar. Olarnın episi kesmentik, uzun kollu, tögerek betli, ufak kozlü, afakan bakışlı olğanlar.

Püskürgen ateş kibi çöller ve dağlar boylap tarkalğanlar, özlerinden son ise, tek kül ve yanğın kaldırğanlar.
   Lakin kırımlılar kelmeşeklerge boysunmağanlar. Çağırılmağan musafirlernin pek çoklarını kırıp, yok etkenler. Em, baskıncılar yarımadanın içine kirgen sayın, olarnın silası şu kadar yetişmeyip başlağan.
    Şay etip, kırıla-kırıla, koçebeler  bir dağnın yanına yetip kelgenler. Yerli sakinler bu dağnı Funna – tütegen dağ, dep adlandıra ekenler. Dağnın en töpesinde alev koterilgende butün etraf yarıklaşa eken.
     Bu etraflarda yaşağan adamlar pek usta demirciler oğlanlar, dağ etegindeki koyçikte de çeber ustalar yaşağanlar.
     Mındaki birinci korükni adamlar Funna dağının ustündeki ateşnen yakanlar. Şunın içün de, halk bu dağnı kimerde başkacasına – Demirci dep adlandırğan.
    Bir kün koçebelernin seraskerleri dağ yanına barıp onın tütün içinde kalğan töpesine taacipnen tikilip kalğanlar.
Bundan da yahşı korükni kaydan taparsın? – degen zalımlarnın buyugi. – İşte, mına bu yerde ozümizge sila yasarmız.
Şu vakıttan başlap, baskıncılarnın silası ket-kete çoklaşkan. Silanı dağ ustünde kurulğan buyukten-buyuk körükte, kara sakallı demirci azırlağan. Dağdan gece-kundüz tasırdı eşitilgen, alev yanğan, tütün çıkan, demir çını eşitilgen. Kılıçlar, süngüler, kalkanlar, baltalar – baskıncılarnın ordusı içün gece-kundüz sila azırlağan. Sakallı demircinin kuveti pek buyuk oğlanı içun ise, bu dağ töpesinde azırlanğan sila ziyade kaviy olğan. İşte, mına şu silanen baskıncılar er kesni yaka ekenler.
    Ket-kete dağ etrafındaki koylerde adam da kalmay. Koylerdeki en mazallı yigitlerin demirci tükanına alıp ketireler. Adamlar anda zorluklardan açlık, yosulluktan ğayıp olalar.
     Ep kuvet ağlan ateş ise topraknı, çokraklarnı, bağ-bahçalarnı kuruta. Funnanın yanında eline çağlısını alıp ölüm yüre – demirci ep yanı işçilerni talap ete, dağ ustündeki demirci tükanında ise, ep ziyade adamlar elak olalar.